ءۇي قۇستارى تۇقىمدارىنىڭ ەنتسيكلوپەدياسى > ۇيرەكتەر > فارەر ۇيرەگى

فارەر ۇيرەگى

تۇقىمىن سيپاتتاۋ

فارەر ۇيرەكتەرى – بۇلار ەسكى، كونبىس تۇقىم. فارەر ارالدارىندا تۇسكەن ەسكى سۋرەتتەردەن كولدەر مەن جاعالاۋلارداعى ۇيرەكتەردى ءجيى كورۋگە بولادى. حح ع. دەيىن ارالداعى ءار وتباسى تاۋىق پەن ۇيرەك باعاتىن بولعان جانە ءۇي قۇستارى ارال تۇرعىندارىنان كوپ ەدى. فارەر ارالدارىندا تۇلكىلەر مەن باسقا دا جىرتقىش اڭدار جوق بولعاندىقتان، ۇيرەكتەر ەمىن-ەركىن جۇرەتىن.ۇيرەكتى اسىراۋعا سونشالىقتى كوپ ازىق قاجەت ەمەس-ءتىن، ويتكەنى، فارەر ۇيرەگى ءوز قورەگىن ءوزى تابا الاتىن جانە جەمى ناشار بولعاننىڭ وزىندە جاقسى سالماق قوساتىن بولعان. حح ع. باسىندا فارەر ۇيرەگىنىڭ پوپۋلياتسياسى كەمي باستادى. سالماعى، تازارتىپ، مۇشەلەپ بولعاننان كەيىن بار-جوعى ۱-۱،۳ كگ تارتاتىن بولدى. سوندىقتان دا، ءوز جەمىن ءوزى تاباتىن تاۋەلسىز فارەر ۇيرەگىن پەكين ۇيرەگى ىعىستىرىپ شىعاردى. پەكين ۇيرەگى ەتتى كوپ بەرەدى، الايدا، ول ءۇشىن ونى جاقسىلاپ جەمدەۋ قاجەت. فارەر ۇيرەكتەرىنىڭ توستەرى اق، قاۋىرسىندارى اق، سۇرعىلت جانە قارا ءتۇستى بولىپ كەلەدى. قازىرگى كەزدە، فارەر ۇيرەكتەرىنىڭ جويىلۋ قاۋپى بار. فارەر ارالدارىندا بۇل ۇيرەكتەردىڭ سانى ۲۰۰۰ دانادان كەم.